කොටස 08
බිඳුණු විශ්වාසය
✍️ Lahiru Hashan Gunarathne • ⏱️ විනාඩි 2ක කියවීමක් • 👁️ බැලූ අය 2 • 📖 කියවූ අය 1
සතියකට පස්සේ අහස්යාගේ ජීවිතය වෙනස් කරන සිදුවීමක් වුණා.
ඇයගේ මල්ලි වූ කවිඳු පාසලේ පැරණි ලිපිගොනු කිහිපයක් ගෙදරට ගෙනැවිත් තිබුණා. ඒ අතර තාත්තාගේ මරණයට පෙර තිබුණු ව්‍යාපාරික ගැටලුවක් ගැන සඳහන් පුවත්පත් කැබැල්ලක් තිබුණා.
අහස්යා ඒක කියවද්දී තාත්තාගේ නම දැක්කා.
ඇයගේ හිත ගැස්සුණා.
එදාම දුෂාන්ව හමුවෙන්න තීරණය කළා.
ඔවුන් හමුවුණේ මුහුදු වෙරළේදී.
“දුෂාන්, මට ඔයාගෙන් ඇත්ත දැනගන්න ඕන.”
ඔහු නිහඬව ඇය දිහා බැලුවා.
“මගේ තාත්තා ගැන ඔයා මොනවද දන්නේ?”
දුෂාන්ගේ මුහුණේ වේදනාවක් පෙනුණා.
“අහස්යා, ඔයාගේ තාත්තායි මගේ තාත්තායි අතර ව්‍යාපාරික ගනුදෙනුවක් තිබුණා.”
“ඉතින්?”
“ඒ ගනුදෙනුව නිසා මගේ පවුලට ලොකු පාඩුවක් වුණා.”
“ඔයා හිතන්නේ ඒකට මගේ තාත්තා වගකියන්න ඕන කියලද?”
“මම තවම දන්නේ නැහැ.”
“එහෙනම් ඇයි මගෙන් මේවා හංගන්නේ?”
“මට ඔයාව රිද්දන්න ඕන වුණේ නැහැ.”
අහස්යාගේ ඇස්වලට කඳුළු පිරුණා.
“ඔයා මට ඇත්ත කිව්වා නම් මම ඔයා එක්ක එකතු වෙලා හොයනවා. ඒත් ඔයා මාව ඔයාගේ ජීවිතයෙන් පිටත තියාගත්තා.”
“මට සමාවෙන්න.”
“මට සමාව දෙන්න පුළුවන්. ඒත් ඔයා මට විශ්වාස කරන්න බැරි තැනකට මාව ගෙනාවා.”
දුෂාන් ඇගේ අත අල්ලන්න උත්සාහ කළා. ඇය අත ඉවත් කරගත්තා.
“අපි ටික දවසක් කතා නොකර ඉමු.”
“අහස්යා…”
“මට හිතන්න ඕන.”
ඇය එතැනින් පිටවුණා.
දුෂාන් මුහුද දිහා බලාගෙන හිටියා. රළ ඇවිත් වෙරළේ වැදිලා ආපහු ගියා.
ඔහුට හිතුණේ ඔවුන්ගේ ආදරයත් ඒ රළ වගේම තමන් ළඟට ඇවිත් ආපහු යනවා කියලයි.
